بقلم / إيمان فرج
اي شخص في الدنيا
بيدخل علاقة حب علشان
١_ يحس أنة سعيد
٢_ أنة محبوب
٣_ أنة في شخص ما بيهتم بية
٤_ يكون في حد بيشاركة يومة
٥_يسرق لحظات سعادة من الدنيا
٦_ شخص بيحتوية
٧_ شخص مش بيبخل علية بوقتة ولا باي عواطف هو محتاج يحسها
٨_ عايز يحس لو الكون كلة جاي علية .. يكون مطمن أن في ركن مهما كان غلطة هيقدر أنة يحتضن غلطة ويعرفة الصح بس بدون ما يهدم فية
٩_ عايز شخص يبني معاه حياتة .. ومستقبل مش بس لحظتة
١٠_ مش عايز يحس لا فراق ولا تغير .. ولا تعب ولا تجاهل ..
** العلاقات اتخلقت للراحة ..
اني اكون انا والشخص دة مش بس بنحب بعض لا ..
لأن لو ( هنتجوز عن الحب بس ) فـ فية اوقات
” الحب فيها هيفتر ، وهيرجع يقوي “
_ انا عايزة انسان في أشد لحظات الغضب يقدر يتمالك نفسة .. شخص لو الحل الوحيد أننا نسيب بعض يكون الحل دة مستحيل ومش مطروح من ضمن الحلول..
_ شخص يكون روحي في مكان تاني .. واكون مطمنة أنة في حياتي ..
_ بعكس جدا أنة يكون في شخص في حياتك هو سبب ( انقباض قلبك / خوفك / سبب تعاستك / سبب توهانك وحيرتك / شخص بيخليك تسأل نفسك مليون مرة هو بيحبني ولا لا )
= كنت دائما اسمع امي تقول ( العلاقة بين الراجل والست مش بتتبني بس علي الحب ). .
العلاقة بين الراجل والمرأة بتتبني علي
١_ المودة والرحمة
٢_ السكينة
٣_ الاحتواء
٤_ الحنية
= مستحيل يكون في شخص حنين في حياتك وهتحس انك لوحدك .. أو خايف .. أو انك تايه
_ لكن ممكن تكون في حياتك شخص بتحبة .. لكنة سبب تعاستك وتعبك من ( قسوة تعاملة )
اللطف واللين في المعاملة قادر يخلق عشق فوق الحب ..
نظرة العين اللي تخاف عليك ، الشخص اللي يعملك حساب ..
اللي صونك في بعدك .. اللي مهما عملت معاه وعمل معاك متقدروش تسيبوا بعض .. الشخص اللي تقدر تروحلة وتكلمة في أي وقت حتي لو بينكم خناق وخصام ميسيبكش بالايام وتعدي عليك فترات وميعرفش عنك حاجة ..
_ الشخص اللي مش بتفكر كتير قبل ما تكلمة ، مش بتكون مقيد في حديثك معاه ، اللي تقدر تعاتبة في أي وقت .. الروح التانية ليك .. ( هو دة الحب الحقيقي )
اللي يعيش .. هي دي العلاقة اللي تدوم .. هي دي العلاقة اللي تقدر تكون مطمن وانت فيها انك ( لا هتتخان / ولا هتتهان / ولا هتتساب / ولا هتتظلم )
الحنية تغلب الحب احيانا
