قامت الفنانة حورية فرغلى، بالكشف عن تطورات الوضع الصحى لها، وذلك بعد أخر عملية جراحية أجرتها فى الأنف وأن لديها عملية أُخرى من المفترض أن تُجريها فى شيكاغو.
وأكدت الفنانة، أثناء حوارها مع القاهرة 24 وقالت:ـ “خلاص مبقاش عندى عضم فى القفص الصدرى أحطه فى مناخيرى، ولحد دلوقتى بحمد ربنا إنى بقيت بشم وأتذوق، وكمان لسه فاضل عملية واحدة ليا فى شيكاغو، و لكن أنا راضية دلوقتى بشكلى ووصلت لحالة من الصفاء والرضا، واللى عاجبه على عينى وراسى واللى مش عاجبة يغير المحطة”.
وحينما سؤلت الفنانة عن أسباب عدم مشاركتها فى العديد من الأعمال الفنية، ردت وقالت:ـ “مبقاش يتعرض عليا شغل كتير زى الأول، وده بجد علشان أنا مليش علاقات كتيرة داخل الوسط الفنى، وهما كلهم على طول فى علاقات وتجمعات ومفيش حد بيعزمنى فى أى مناسبات، وكمان أنا مبحبش أحضر المهرجانات إلا لو عندى فيلم أو رايحة علشان أتفرج على حاجة تهمنى، وطبعاً كنت أتمنى إنى أحضر مهرجان القاهرة السينمائى اللى عدى بس محدش بعتلى دعوة”.
وتحدثت حورية فرغلى عن الحب فى حياتها، وعلقت قائلة:ـ “أنا لسه ما إتجوزتش ومخلفتش ونفسى أعيش قصة حب حقيقية، ولكن مفيش حد جالى، وأنا أهم حاجة عندى فى الشخص اللى هرتبط بيه يكون أبيض من جواه، وعمرى مفكرت فى شكلة بس الأهم يكون راجل محترم ويراعى ربنا فيا وما يخونيش، ومش عارفة الصفات دى لسه موجودة ولا إنقرضت.. بس أنا سايباها على الخالق”.