انا لم اشاهد افتتاح كاس العالم ولا الماتش بين قطر والاكوادور بس عرفت ان قطر خسرت ماتش الافتتاح … ولا ناوي اتابع كاس العالم اساسا الا صدفة لان كرة القدم مش من ضمن اهتماماتي … بالتوفيق لقطر ومبروك عليهم ويا رب يكون فاتحة خير عليهم … وبمناسبة انهم صرفوا ٢٥٠ مليار دولار علي تجهيزات البطولة … فانا باناشد الامير تميم باناشد الامير تميم يتبرع بمليار دولار واحد فقط من ارباح البطولة للاجئين السوريين في المخيمات مع قدوم الشتاء لانهم بيعانوا من البرد والجوع … وانا اعرف ان قطر اهل كرم و خير … واتمني من الامير محمد بن سلمان هو كمان يتبرع بمليار دولار اخري للمخيمات … المملكة العربية سعودية خيرها معروف علي الامة الاسلامية كلها …
اليوم من الاخبار عرفت ان الممثل العالم مورجان فريمان هو اللي قدم الحفل … وكما يعلم الاصدقاء فاني مغرم بالسينما العالمية منذ الطفولة … وانا هنا اقصد سينما انتوني هوبكنز ومورجان فريمان وال باتشينو والافلام المكتوبة كويس … اي فيلم مكتوب كويس هو كتاب كويس واضافة لك … وانا مش بحب سينما الجرافيكس و الاكشن الفارغ … ولذلك حبيت ارشح لكم النهاردة واعلق علي فيلم تحفة (( Seven )) لمورجان فريمان وبراد بت وكيفين سبيسي … وهو باختصار بيتكلم عن الخطايا السبع … كيفين سبيسي ظهر دقايق معدودة في الفيلم لكن كان دور تاريخي له … وهو حصل علي الاوسكار مرتين في حياته … وبالمناسبة هو متهم في قضايا اغتصاب لرجال حاليا في امريكا وبريطانيا … وذلك من باب التطبيع العالمي مع الشذوذ الجنسي بذكاء …
الفيلم كله تحفة فنية وله تاثير قوى في حياتي وفهمي للامور والجماعات المتطرفة في جميع الاديان … هناك بعض الاشخاص بتقتل عن ايمان وعقيدة ان هذا في سبيل الاله … لان القاتل في الفيلم كان بيعظ من خلال انه بيختار ضحاياه من خلال اشخاص بتعمل الخطايا السبع وهو شخصيا لا يعرفهم ومفيش عداء بينهم … واصل كلمة اصوليين متطرفين كانت في الديانة المسيحية وليس الاسلام … واللي ماتوا بسبب التطرف المسيحي في امريكا عشرات الاضعاف مقارنة باللي ماتوا بسبب تطرف بعض مدعين الاسلام وباعتراف الحكومة الامريكية نفسها … وبالمناسبة هم بيتهموا المسلمين بالتطرف وهم قتلوا من بعض ٥٠ مليون شخص في ٤ سنوات في الحرب العالمية الثانية واللي كان جزء من الصراع اساسا مبني علي عقيدة دينية … وبعد كدة يطلع شوية جهلة رويبضة امثال ابراهيم عيسي والبحيري وخالد منتصر يحدثونا عن حضارة الغرب والتطرف الاسلامي … داعش يا ابراهيم يا ابو حمالات انت والبحيري ومنتصر صناعة اجهزة مخابرات اجنبية وشغل تمويلات … واظن ان انت يا ابراهيم والبحيري ومنتصر عارفين كويس قوى يعني ايه منظمات اجنبية و تمويلات وممكن نسال قناة الحرة والمهندس نجيب ساويرس يا ابراهيم …
اتمني الفيلم يعجبكم ..
لا حول ولا قوة إلا بالله و لا اله الا الله …