قامت إبنة الراحل جلال الشرقاوى الفنانة المعتزلة عبير الشرقاوى، بالهجوم على الفنانة ميريام فارس بسبب مشاركتها فى الأُغنية الخاصة بكأس العالم لكرة القدم، والذى من المقرر إقامته اليوم بدولة قطر العربية الشقيقة
وقامت الفنانة بكتابة منشور، من خلال حسابها الرسمى على موقع التواصل الاجتماعى “فيس بوك”، وعلقت:ـ “يعنى قطر جايبه ميريام فارس فى حفل الافتتاح وخربت الدنيا على الآخر، وعمالة تعمل دعاية من فترة إنوا ممنوع الخمر وعن الصلاة وصوت الأذان عندنا فى كل مكان..إيه الشيزوفرينا دى؟، وهو إنت متدين ولا منحرف ولا حته من هنا وحتهمن هناك.. كده ينفع وكده ينفع.. بجد حاجة تزعل والله”.
ومن جانبه، فقد تعرضت المطربة ميريام فارس للإنتقاد، وذلك بعد أن قدمت فيديو كليب الخاص بأغنيتها فى كأس العالم 2022، وكان من أبرز تلك التعليقات
“أٌغنية كأس العالم بتاع (ميريام فارس، ونيكى ميناج، ومالوما) تُعد نموذج للمسخ الفنى، وهى أُغنية مشوهة موسيقياً ومفيهاش جملة إيقاع واضحة تشد إنتباه الناس.. ومزج غير مُتناسق للإيقاعات الغربية مش العربية ولا حتى الخليجية”
وتابعت المُعتزلة:ـ “وكمان الكلمات غير مترابطة وفيها نوع من السذاجة وتحديداً مقطع (سلام سلام) بتاع ميريام، وأداء كل فنان فى حته شكل ومفيش ربط بين الثلاثة، وكان المفروض يبقى فى ربط بين كل أداء ومزجه فى هوية متقاربة، وكمان تصميم الرقصات ملوش أى منظر ولا ملامح، وتقريباً كده عن صناع العمل لاهما عارفين الهدف من أُغنية المونديال ولا عارفين يعنى إيه أُغنية فيها تزاوج ثقافات، وكل اللى واضح هو محاولة ميريام للهز على طريقة شاكيرا وبس، والنتيجه طلعت مش كويسه زى الإفيه الشهير”.