قالت نورة الشيخ، والدة الشاب زياد البالغ من العمر 15 عامًا، تفاصيل واقعة الاعتداء التي تعرض لها نجلها داخل كمبوند دريم بمدينة 6 أكتوبر، مؤكدة أن ما حدث كان صدمة بالنسبة لها بعدما ظنت أن انتقالها للسكن في كمبوند راقٍ سيوفر الأمان والهدوء لعائلتها: كنت فاكرة إني بحمي أولادي لما نقلت للكمبوند لكن اللي حصل مع زياد ابني كان كابوس.
وأضافت الأم أنه بعد أيام قليلة من انتقالهم إلى كمبوند دريم، خرج زياد وشقيقته مايا في يوم 26 أبريل الماضي لشراء بعض الاحتياجات من السوبر ماركت داخل الكمبوند، تعرضت مايا لمضايقات من مجموعة شباب من سكان الكمبوند، وصل الأمر لشد شعرها قائلة: شدو شعرها قدام أخوها، وضايقوا ابني وفتشوه وزياد اتصل بيا ونزلت جري، حاولت أتكلم معاهم بهدوء وقلت لهم ميصحش اللي بيعملوه، وأخدت ولادي ومشيت.
وأكملت الأم: بعدها بيومين، نزل زياد لوحده عشان يشتري حاجة، وللأسف نفس الشباب كانوا مستنيينه، وبدأوا يستفزوه بكلام جارح ويسخروا منه، وقالوله أنت بتاع ماما، وواحد فيهم طلع سنجة وقال للتاني انزل عليه يا علي، وفعلًا ضربوه، وكان معاهم مطواة، وزياد حاول يبعد السلاح عن وشه، وصده بأيده وللأسف صوابعه اتقطعت
وأكدت نورة الشيخ أن زياد نقل على الفور إلى المستشفى، وخضع لعملية جراحية استمرت 3 ساعات لمحاولة إنقاذ أصابعه المقطوعة، وجرى بالفعل خياطة اثنين من الأصابع وإعادة توصيل الأوتار، موضحة أن التقرير الطبي يثبت إصابته بقطع في الأصابع والأوتار نتيجة الضرب بآلة حادة.
وأضافت الأم: عملنا محضر بالواقعة في قسم أول أكتوبر حمل رقم 4558 لسنة 2025، وعرفنا من الجيران وأمن الكمبوند إن دي مش أول مرة الشباب دول يعملوا كده، وإنهم معروفين بالاسم داخل الكمبوند، وبيتجمعوا دايمًا قدام السوبر ماركت، بيمارسوا البلطجة ويتعاطوا مخدرات، وللأسف الأمن الإداري مش بيقدر يواجههم.
واختتمت نورة الشيخ حديثها قائلة: إحنا مش هنسكت، بس قلبي بيتقطع من الخوف ومش عايزه حق ابني يضيع وأنا عايزة العدالة تاخد مجراها.
