مراحل الحب .. والأدمان العاطفى
عندنا كام هرمون كدا .. من أعظم ( الهرمونات اللى توقعك فى الحب .. والأدمان )
1_ الدوبامين ..
دة هرمون السعادة .. وهو ناقل عصبى له تأثيرات عديدة على الدماغ .. بحيث بيدخلك في حالة من الأرتياح والسعادة اثناء وجود شخص ما ..
** ودة ممكن يوقعك جدا .. تحت ما يسمى بـ ( الحب من اول نظرة ) .. او أنك تشوف صورة شخص عالفيس بوك .. وتتكلموا شوية ويحصل أنسجام او كيميا بينكم ..
فيفرز الهرمون دة بقوة ..
ودة مصنف انة مش ( حب ) ولا حاجة ..
هو مجرد حالة من السعادة والشعور بالأرتياح .. أثناء تواجد شخص ما ..
أذا تطور الأمر بينك وبين الشخص .. وبدأت تتبادلوا الأرقام .. والحديث .. التواصل ..
هتبدأ تطور( لمرحلة جديدة ) .. وهرمون جديد
2_ نورإبنيفرين او نورإدرينالين
دة بيعزز شعور السعادة عندك أكتر وتحس نفسك طااااير فوق السحاب .. وفي وسط أحلام ( رومانسية .. ووردية )
وتحس أن شعورك ملخبط .. حاسس أنك مبسوط وفرحان وعلاقتك نوعها ( فريد ) .. جدا ..وعندك طاقة تهد الدنيا
** المرحلة التالتة ..
وهي مرحلة .. التعمق في ( العاطفة ) بينك وبين الشريك .. وتبادل الكلام الرومانسى ( بحبك / نفسى أعيش معاك / نفسى أحضنك ) ..
من هنا بيفرز أخطر هرمون
3_ الأوكسيتوسين ..
هرمون الأدمان ..
دة اللى بيقفل منافذ جسمك .. وعقلك إما بيتفرز وبيدخلك حالة ( عشق أعمي ) . وبيخليك فى حالة أدمان ..
** لذلك .. بنلاقى أن فى ناس ( أنفصلت / فارقت ) ..
ومش مستوعبة .. مش عارفة تبعد .. بقيت ( مجنونة ) الشخص دة أو الشريك دة رغم الأذى ..
ودة بيكون ( غصب عنهم ) .. لأنة أخطر هرمون هو هرمون ( الأوكسيتوسين ) .. بيدخلهم في حالة أدمان .. بيغلف العقل والمؤثرات العصبية .. بترتبط بشكل أدمانى بالشخص دة .. وبتحصل على الشعور دة ( الهرمون ) من الشخص دة .. فمبقاش مستوعب أن الشخص دة خلاص اصبح مش ليه .. اصبح بيحس بشعور أنة عمره ما هيعرف يحس بنفس الأحساس مع شخص تاني غير دة
** ودة حقيقي
*ليييييه ؟!!
= لإن الشخص دة خلاص أصبح ( قافل قلبه وعيونة ) على الشخص دة وبس .. فمستحيل هيقدر يشوف غيره ..
حتى لو ارتبط .. ( مش هيعرف يدى فرصة للشخص اللي قصاده أنة يحصل بينهم نفس المراحل التلاته السابقه علشان يوصل لدرجة الحب اللي وصلها مع الشخص السابق ) فبيحصله صدمة .. أنة معرفش يحس نفس أحساسة مع الشخص السابق .. بالتالى تبوظ العلاقة الجديدة ..
** لذلك ( الحب ) .. يقدر يساعد فى
1_ شفاء مريض من مرض عضال .. إما الشخص يحس بأن في قلب شخص بيحبة وعنده أحساس دافى
2_ يساعد علي الأنجاز .. والتقدم .. النجاح
4_ يعزز شعورك بالطاقة الإيجابية
5_ كفيل على نشر السلام والتسامح
6_ الحضن بس دوا .. بيساعد على (تقوية عضلة القلب )
7_ لو في شخص مريض .. فاقد الوعي بيجيبوله أقرب شخص ليه وبيخلوه يمسك أيدية .. او ينادي عليه ويكلمة فيستجيب .. ويدي أشارات أنة سامع ويقاوم المرض .. إما يحس أنه في حد بجد بيحبة
8_كفيل حقيقى ( يصنع المعجزات )
** لذلك .. حالة الأدمان دى .. محتاجة ( تتفك ) مع لايڤ كوتش او تقدر تعديها وحدك .. وتكون متأكد أنها ( فترة وهتعدى ) .. وعلشان تعدى لأزم تقتنع من جواك أن ( الشعور دة تقدر تحصل عليه من شخص جديد .. ويمكن كمان يكون أقوى وأعمق وأجمل )
